Фото: әлеуметтік желі
Өнер иесі мұндай кеңестердің салдарынан отбасы бұзылып, балалардың толық отбасында тәрбиелену мүмкіндігінен айырылып жатқанын айтып, егер қолында билік болса, жауапкершілікті осындай кеңес беретін адамдарға жүктейтінін жеткізді.
«Қолымда билік болса, “коучсымақтар мен “данышпансымақтардың” сөзіне сеніп, ажырасып жатқан, сөйтіп бала-шағасын асырай алмай бақытсыз болып жатқан барлық әйелдердің бала-шағасын асырауды солардың мойындарына жүктер едім. Әйелдерінен айырылған еркектің ендігі үйленетін тойын, қызға берер қалыңмалын, бәрін солардың мойнына жүктер едім. Қияметте жауап бересіңдер. Бәріне топырақ шашпаймын. Алла және Пайғамбар сызып берген шеңберді бұзу – ауыр іс!» – деп жазды Ердос Қанаев.
Әншінің бұл жазбасы әлеуметтік желі қолданушылары арасында қызу талқыланып, отбасы мәселесінде сырттан берілетін кеңестің жауапкершілігі туралы пікірталас тудырды.
