Танымал әнші Меруерт Түсіпбаева әнші әрі тележүргізуші Аша Матайға қатысты ойын білдірді. Ол бұл туралы Facebook парақшасында жазды, деп хабарлайды Muztaumedia.kz.
Әншінің айтуынша, жақында ортақ ортада Аша Матаймен кездесіп қалған. Түсіпбаева амандасқанымен, оның сәлемін Матай алмағанын жеткізді.
«Депутат бола алмай қалғанын менен көрді ме, кім біледі? Амандассам, Аша маған көзін алайтып бір қарап, мен отырған дастарханға жайғасты. Негізі, үміткер ханымға айтпағым – нағыз мәдениетсіздік қой, сәлемді алмау. Әсіресе үлкен ортада, жан-жағымыз зиялы қауым. Мен ұялдым сен үшін!» – деп жазды Меруерт Түсіпбаева.
Сондай-ақ әнші Аша Матайдың депутаттыққа үміткер болғанына қатысты пікір білдіріп, оның қоғамдық мәселелерге белсенді араласпағанын сынға алды.
«Желіде бір әлеуметтік мәселе көтермеген Аша, сені депутат қылып халқым сайлайды деп дәметіп пе едің? Наивно полагать. Шутишь? Я думала, ты шутишь», – деді ол.
Меруерт Түсіпбаева жазбасында әдеп пен үлкенге құрмет көрсету мәселесіне де тоқталды.
«Этикет бойынша жасы үлкен сәлем береді, жасы кіші ілтипатпен, депутатқа үміткер болса да, қабыл алады», – деп түйіндеді әнші.
Әншінің жазбасы желі қолданушылары арасында талқыланып, көпшілік оның пікірін қолдаған.