25 қазан – Қазақстанда Республика күні аталып өтеді. Биыл бұл күн жексенбіге сәйкес келеді, деп хабарлайды Muztaumedia.kz .
Осыған байланысты демалыс күні 26 қазан, дүйсенбіге ауысады. Осылайша, бес күндік жұмыс аптасында қазақстандықтар 24, 25 және 26 қазан күндері, яғни сенбіден дүйсенбіге дейін қатарынан үш күн демалады.
Ал алты күндік жұмыс аптасында демалыс күндері 24 және 25 қазанға сәйкес келеді.
Бес күндік жұмыс аптасында қазан айында барлығы 10 демалыс күні болады. Ал алты күндік жұмыс аптасында қазақстандықтар 5 күн демалады.
Республика күні – Қазақстанның ұлттық мерекесі. Ол 1990 жылғы 25 қазанда Қазақ КСР Жоғарғы Кеңесі қабылдаған Мемлекеттік егемендік туралы декларацияға орай белгіленген. 2022 жылдан бастап бұл күн ұлттық мереке ретінде қайта аталып өте бастады.