Close Menu
Мuztaumedia.kz — ақпараттық агентігіМuztaumedia.kz — ақпараттық агентігі
  • Жаңалықтар
  • Саясат
  • Экономика
  • Қоғам
  • Аймақ
  • Оқиғалар
  • Білім & ғылым
  • Спорт
  • Шоу бизнес
Facebook Instagram YouTube WhatsApp TikTok Telegram Threads
  • Басты бет
  • Редакция
  • Портал тәртібі
  • Ақпараттық хабарлама
Мuztaumedia.kz — ақпараттық агентігіМuztaumedia.kz — ақпараттық агентігі
Facebook Instagram YouTube WhatsApp TikTok Telegram Threads
Қаз Рус
  • Жаңалықтар
  • Саясат
  • Экономика
  • Қоғам
  • Аймақ
  • Оқиғалар
  • Білім & ғылым
  • Спорт
  • Шоу бизнес
Facebook Instagram YouTube WhatsApp TikTok Telegram Threads
РУСКИЙ
Мuztaumedia.kz — ақпараттық агентігіМuztaumedia.kz — ақпараттық агентігі
Home»Жаңалықтар»Мемлекеттік қарыздың салмағы артты: Қазақстан шығындары 20,6 пайызға көбейді
Жаңалықтар

Мемлекеттік қарыздың салмағы артты: Қазақстан шығындары 20,6 пайызға көбейді

НұрланНұрлан17.11.20260
Фото рixabay.com

2026 жылдың тоғыз айында Қазақстандағы салық түсімдері 18,5 пайызға өсіп, 22,7 трлн теңгеге жетті. Алайда кірістің осылай артуына қарамастан, мемлекет қарыз алуды жалғастыруға мәжбүр, деп хабарлайды Muztaumedia.kz.  

Салық түсімдері ережелердің өзгеруінен кейін өсті

Қазақстан қаржыгерлері қауымдастығының (ҚҚҚ) мәліметінше, қаңтар-қыркүйек айларында республикалық және жергілікті бюджеттерге, сондай-ақ Ұлттық қорға түскен салықтардың жалпы көлемі өткен жылдың сәйкес кезеңімен салыстырғанда 3,5 трлн теңгеге артқан.

Түсімдердің негізгі өсімі республикалық бюджет есебінен қамтамасыз етілді. Мұнда салық түсімдері 30,3 пайызға немесе 3 трлн теңгеге көбейген.

Қосымша түскен қаражаттың шамамен 90 пайызын үш салық түрі қамтамасыз етті:

  • ҚҚС – 1,6 трлн теңгеге өсті;
  • корпоративтік табыс салығы – 636 млрд теңгеге артты;
  • мұнайға жатпайтын пайдалы қазбаларды өндіру салығы – 480 млрд теңгеге көбейді.

Қаржыгерлер қауымдастығы ҚҚС түсімдерінің артуын салық мөлшерлемесінің көтерілуімен, тіркеуге тұру шегінің төмендеуімен және тауарлар, жұмыстар мен қызметтерді өткізу айналымының 13,8 пайызға ұлғаюымен байланыстырады.

Ал жергілікті бюджеттердегі жағдай керісінше қалыптасты. Мұнда салық түсімдері 0,8 пайызға немесе 54 млрд теңгеге азайған. Атап айтқанда, корпоративтік табыс салығы мен әлеуметтік салық бойынша түсімдер төмендеді.

Қарызға қызмет көрсетуге қанша қаражат жұмсалады?

Кірістердің өсуіне қарамастан, мемлекет үшін қарыз алу қажеттілігі сақталып отыр. Тоғыз айда 7,3 трлн теңге көлемінде жаңа қарыз тартылған. Бұл өткен жылдың сәйкес кезеңімен салыстырғанда 11,5 пайызға көп. Бұған қоса, бұрын алынған міндеттемелерді өтеуге 3,9 трлн теңге бағытталған.

Мемлекеттік қарыздың жалпы көлемі 8,8 пайызға өсіп, 41,3 трлн теңгеге жетті.

Алайда қарызға қызмет көрсету шығындары бұдан да жылдам артып келеді. Қаңтар-қыркүйек айларында бұл мақсатқа 2,8 трлн теңге жұмсалған. Жылдық өсім – 20,6 пайыз.

Осылайша, мемлекеттік міндеттемелер бойынша пайыздық төлемдер қарыздың жалпы көлемінен екі еседен астам жылдам өсіп отыр. Қаржыгерлер қауымдастығы мұны қарыз тарту құнының жоғары болуымен түсіндіреді.

Ұлттық қордан бюджетке бөлінетін қаражат үштен бірге қысқарды

Тағы бір өзгеріс – Ұлттық қордан берілетін трансферттердің азаюы. Тоғыз айда бюджетке 2,8 трлн теңге аударылған. Ал өткен жылдың осы кезеңінде бұл көрсеткіш 4,2 трлн теңге болған. Осылайша, трансферт көлемі 34 пайызға төмендеді.

Сонымен қатар қазан айының басында Ұлттық қор активтері 66,7 млрд долларға жетті. Жыл басынан бері қор активтері 2,8 млрд долларға өскен. Бұған түсімдердің алынған қаражаттан басым болуы және 2,2 млрд доллар көлеміндегі инвестициялық кіріс ықпал еткен.

Дегенмен ҚҚҚ сарапшылары бюджет кірістерінің мұнай табыстары мен қарыз қаражатына тәуелділігі әлі де сақталып отырғанына назар аударады. Салық түсімдері артқанымен, мемлекет әзірге жаңа қарыз тартудан бас тарта алмай отыр.

қарыз
Share. Facebook Twitter LinkedIn Email VKontakte Telegram WhatsApp Threads Copy Link
Previous ArticleСтудент қазасынан кейін министрлік ҚазҰУ-ға кешенді тексеріс жүргізеді
Next Article Атырауда қызылшадан бір жасар сәби көз жұмды: Оған кардиохирург екпе салуға тыйым салған

Оқи отырыңыз...

Атырауда қызылшадан бір жасар сәби көз жұмды: Оған кардиохирург екпе салуға тыйым салған

17.11.20260

Студент қазасынан кейін министрлік ҚазҰУ-ға кешенді тексеріс жүргізеді

17.11.20260

Қамбаға 2 млн тоннадан астам өнім түсті. Алматы облысында күзгі жиын-терім жалғасуда

17.11.20261
СОҢҒЫ ЖАҢАЛЫҚТАР

Атырауда қызылшадан бір жасар сәби көз жұмды: Оған кардиохирург екпе салуға тыйым салған

17.11.20260

Мемлекеттік қарыздың салмағы артты: Қазақстан шығындары 20,6 пайызға көбейді

17.11.20260

Студент қазасынан кейін министрлік ҚазҰУ-ға кешенді тексеріс жүргізеді

17.11.20260

Қамбаға 2 млн тоннадан астам өнім түсті. Алматы облысында күзгі жиын-терім жалғасуда

17.11.20261

57 миллион теңгелік корпоратив пен қолма-қол ақшаға айналдырылған қаражат – Боқаевтың сотында не анықталды

17.11.20263

Бестөбедегі алтын кенішінде тағы бір адам қаза тапты

17.11.20263

«Умра оған не керек?»: Тұрсынбек Қабатовқа жасалған тосын сый елдің сынына қалды (ВИДЕО)

17.11.202642

«Кеудедегі қос анар»: Төреғали Төреәлі мен Балжан Бидаш Threads желісінде сөз қағыстырды

17.11.20267

Қазақстан азаматын АҚШ билігі қауіпті қылмыскер ертінде ұстатып, күшпен алып кетті

17.11.20262

ҚазҰУ жатақханасындағы қайғылы жағдай: студент өліміне қатысты күдікті ұсталды

17.11.202614

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

Facebook Instagram YouTube WhatsApp TikTok Telegram

Мекен жайы: Қазақстан Республикасы, Алматы қаласы, Алатау ауданы, Қасым Шәріпов көшесі, 206/6 үй

E-mail: info@muztaumedia.kz

Телефон: +7 705 156 6495

2026 жылы ҚР Мәдениет және ақпарат министрлігінің ақпарат комитетіне № KZ49VPY00153959 нөмірімен тіркеліп, «Muztaumedia.kz» интернет басылым ретінде куәлігі берілді.

©2025 - 2026 / Muztaumedia.kz - ақпараттық агенттігі / Барлық құқықтар тіркелген.
  • Басты бет
  • Редакция
  • Портал тәртібі
  • Ақпараттық хабарлама

Type above and press Enter to search. Press Esc to cancel.