Фото: gov.kz
Президент Қасым-Жомарт Тоқаев сыртқы істер министрінің орынбасарын тағайындады, деп хабарлайды Muztaumedia.kz ақпарат порталы.
«Мемлекет басшысының өкімімен Арман Қайратұлы Исағалиев Қазақстан Республикасы сыртқы істер министрінің орынбасары лауазымына тағайындалды», – делінген Ақорданың хабарламасында.
Ол 1972 жылы Алматы қаласында туған.
Білімі: Әл-Фарабиатындағы Қазақ Ұлттық Мемлекеттік университеті (1994)
Сиди Мұхаммад бен Абдалла университеті, Фес, Марокко
Мысыр Араб Республикасы Сыртқы істер министрлігінің Дипломатия институты (1996)
- 1994-1995 жж. Әл-Фараби атындағы Қазақ Ұлттық Мемлекеттік университетінің оқытушысы;
- 1995-1999 жж. Қазақстан Республикасы Ұлттық Ғылым Академиясының шығыстану институтының ғылыми қызметкері;
- 2000-2004 жж. Қазақстан Республикасының Египет Республикасындағы Елшілігінің бірінші хатшысы;
- 2004-2006 жж. Бизнес құрылымдарындағы жұмыс;
- 2008-2011жж. Қазақстан Республикасының Сауд Арабия Корольдігіндегі Елшілігінің кеңесшісі;
- 2011-2014 жж.Қазақстан Республикасы Президенті Әкімшілігінің Сыртқы саясат орталығының сектор меңгерушісі;
- 2014-2017 жж. Қазақстан Республикасының Дубай қаласындағы (Біріккен Араб Әмірліктері) Бас консулы;
- 2017-2020 жж. Қазақстан Республикасының Египет Араб Республикасындағы төтенше және өкілетті елшісі;
- 2019-2020 жж. Қазақстан Республикасының Алжир Халықтық-Демократиялық Республикасындағы, Тунис Республикасындағы төтенше және өкілетті елшісі қызметтерін қоса атқарушысы;
- 2020 ж. қыркүйек айынан Қазақстан Республикасының Қатар Мемлекетіндегі төтенше және өкілетті елшісі.
Төтенше және Өкілетті Елші дипломатиялық дәрежесі бар.
Араб және ағылшын тілдерін меңгерген.
Отбасылық жағдайы: үйленген, 5 баласы бар.