Иран президенті Масуд Пезешкиан АҚШ-тың тоғызыншы түн қатарынан жасаған соққыларынан кейін елдің толық ауқымды соғыс жағдайында қалғанын мәлімдеді, деп хабарлайды Muztaumediaпорталы Bild басылымына сілтеме жасап.
«Шындық мынада: бүгінде Иран Ислам Республикасы Америка Құрама Штаттары жүргізіп отырған жаппай соғысқа тап болды», – деді ол.
Тегеранның мәліметінше, соққылар енді елдің оңтүстігіне ғана емес, орталық және солтүстік-батыс өңірлеріне де жасалып жатыр.
Иран билігі Тебризге жасалған шабуылдан кемінде бір адамның қаза тапқанын хабарлады. Сондай-ақ Бушердегі нысандар мен салынып жатқан Дарховин атом электр станциясына да соққы берілген.
Дональд Трамп соңғы шабуылдардың «қаза тапқан америкалық әскери қызметшілердің құрметіне» жасалып жатқанын мәлімдеді. АҚШ дерегінше, соғыс басталғалы бері 17 америкалық сарбаз қаза тапқан. Ал Иран 50 адамның мерт болғанын және 500-ден астам адамның жараланғанын хабарлады.
Сонымен қатар Ормуз бұғазындағы жағдай да ушығып барады. Ислам революциясы сақшылар корпусы жарылыстардан кейін екі танкердің ұсталғанын мәлімдеді. Ал Ұлыбританияның теңіз қауіпсіздігі қызметі снаряд тигеннен кейін жүк кемесінде өрт шыққанын хабарлады.
«Біз бұл су жолының Иранның қауіпсіздігі мен ұлттық мүдделеріне қатер төндіру үшін қайта пайдаланылуына жол бере алмаймыз», – деді Иран Сыртқы істер министрлігінің өкілі Исмаил Багаи.