Астана қалалық полиция департаментінің мәліметінше, жанжал кезінде 55 жастағы ер адам 53 жастағы әйеліне пышақ жарақатын салған. Кейін ер адамның өзі де көз жұмған. Екеуі де оқиға орнында қайтыс болған.
Куәгерлердің бірі 12 жастағы баланың пәтерден жүгіріп шығып, айғайлағанын естігенін айтқан. Кейін көршілер пәтер ішіндегі жағдайды байқап, полиция шақырған.
Тұрғындардың айтуынша, бұл отбасы Астанаға Шымкенттен жуырда көшіп келген. Бұған дейін олардың қандай да бір оғаш әрекеті байқалмаған.
Қазір оқиғаға қатысты тергеу жалғасып жатыр.
Дереккөз: KTK.kz