Танымал актриса Жұлдыз Әбдікаримова Маңғыстауда әскери қызметшілердің қаза болуына байланысты пікір білдірді, деп хабарлайды Muztaumedia.kz.
Өнер иесі бұл туралы әлеуметтік желідегі парақшасында жазды.
«Қазақ армиясында тағы да қаралы хабар. Елде тағы да қаралы күн. Туымыз тағы да төмен түсті.
Кім кінәлі? Кім жауап береді? Неліктен бұлай болды?
Енді мұның бәрі кеш. Бейбіт елде, айдың-күннің аманында 12 әскериді теңіз жұтты. Ата-ана жүрегін жұбата алмаймыз. Қазаның орнын толтыра алмаймыз. “Ауа райы қолайсыз болды”- дегеннің өзі қолайсыз жауап емес пе?
Ана ретінде ес жия алмай есеңгіреп отырмын. Отан алдындағы борышын өтеймін деп, опат болған балаларым-ай!
Тек ажал демеңіз!
Тек жазмыш демеңіз!Ұлыңды әскерге, қызыңды тұрмысқа беруге қорқатын заман қалай туды?» – деді актриса.
Желі қолданушылары да пікір білдіріп, қаза болған әскери қызметшілердің отбасыларына көңіл айтты.