Ресейдің Алтай Республикасында жол апатынан қайтыс болған екі адам ерлі-зайыпты болып шықты. ШҚО-ның тұрғындары жеке көліктерімен саяхаттап, Монголияға жола шыққан. Қарсы жолға шығып, қазақстандық көлікпен қақтығысқан алтайлық әйел рулде мас күйде отырған. Ауыр жол апатының кесірінен алты баланың ата-анасы қайтыс болып кетті, деп жазады Muztaumedia.kz порталы.
Зардан шеккен жолаушылардың бәрі туысқан, ағайындылар болып шықты. Шығыс Қазақстан облысы, Ұлан ауданы, Мамай батыр ауылының тұрғындары Баян-Өлгий өлкесіне бармақ болған.
— Қайтыс болған жолаушылар ерлі-зайыпты. Әйелі де алдыңғы орында отырған. Олар апат салдарынан қайтыс болып кетті. Салондағы адамдардың бәрі туысқандар. Олармен жолға шығар алдында кездесіп, дәмдес болған едім. Артында алты баласы қалды. Хабыз Рахымбай 41 жаста, оның әйелі Құралай Құсайынқызы 44 жас еді. Ресейде жол апатына ұшырады, — деді марқұмдардың танысы Жарқынбек Ахметсакиұлы.
Салодағы өзге жолаушылар да ауыр дене жарақаттарын алған. Ал қарсы жолаққа шыққан 31 жастағы алтайлық әйел рулге мас күйінде отырған. Оның көлік жүргізу куәлігі де болмаған.
Еске салайық, Қазақстан азаматтарының қайғылы жағдайға ұшырауы 27 шілде күні кешкі сағат 20:30 шамасында Ұлаған ауданындағы Ақташ ауылының маңында болған.
Алдын ала мәлімет бойынша, Toyota Avensis автокөлігін басқарған 31 жастағы жергілікті тұрғын қарсы қозғалыс жолағына шығып кетіп, Қазақстанның 41 жастағы азаматы тізгіндеген Chevrolet Nexia көлігімен соқтығысқан.
Соққының қатты болғаны сонша, Chevrolet жүргізушісі мен оның 44 жастағы жолаушысы ауыр жарақатпен Ақташ аудандық ауруханасына жеткізілген. Алайда дәрігерлер олардың өмірін сақтап қала алмады.
Жол апаты салдарынан тағы төрт адам түрлі жарақат алған. Ауруханаға Toyota көлігіндегі 21 жастағы жолаушы, сондай-ақ Chevrolet көлігіндегі екі 63 жастағы зейнеткер мен 13 жастағы қыз бала жеткізілген.
Ресейлік құқық қорғау органдарының мәліметінше, Chevrolet көлігіндегі қаза тапқандар мен зардап шеккендердің бәрі – Қазақстан тұрғындары.
Ал апатқа кінәлі болуы мүмкін әйел жеңіл жарақат алып, үйіне жіберілген.
Жетім қалған өскемендік балаларға көмек көрсетем деген жандарға:
8775 957 84 73 Назира Рахамбай
ЖСН: 080606654641
Каспи карта: 44 00 43 00 22 80 52 27