Close Menu
Мuztaumedia.kz — ақпараттық агентігіМuztaumedia.kz — ақпараттық агентігі
  • Жаңалықтар
  • Саясат
  • Экономика
  • Қоғам
  • Аймақ
  • Оқиғалар
  • Білім & ғылым
  • Спорт
  • Шоу бизнес
Facebook Instagram YouTube WhatsApp TikTok Telegram Threads
  • Басты бет
  • Редакция
  • Портал тәртібі
  • Ақпараттық хабарлама
Мuztaumedia.kz — ақпараттық агентігіМuztaumedia.kz — ақпараттық агентігі
Facebook Instagram YouTube WhatsApp TikTok Telegram Threads
Қаз Рус
  • Жаңалықтар
  • Саясат
  • Экономика
  • Қоғам
  • Аймақ
  • Оқиғалар
  • Білім & ғылым
  • Спорт
  • Шоу бизнес
Facebook Instagram YouTube WhatsApp TikTok Telegram Threads
РУСКИЙ
Мuztaumedia.kz — ақпараттық агентігіМuztaumedia.kz — ақпараттық агентігі
Home»Жаңалықтар»«Лауазымдары ракетадай ұшты»: Президент сенім артқан басшылардың парамен ұсталуы жайлы сарапшы пікір білдірді
Жаңалықтар

«Лауазымдары ракетадай ұшты»: Президент сенім артқан басшылардың парамен ұсталуы жайлы сарапшы пікір білдірді

НұрланНұрлан12.11.20261 103
Фото: әлеуметтік желі
«Самұрық-Қазына» қоры мен «Қазақстан темір жолы» ұлттық компаниясының басшыларына қатысты тараған ақпарат қоғамда қызу талқыланып жатыр. Осы жағдайға байланысты саясаттанушы Жанат Момынқұлов пікір білдіріп, күдікке ілінген азаматтардың білімі мен мансабына, сондай-ақ мемлекеттік басқару жүйесіндегі жауапкершілік мәселесіне тоқталды. Бұл туралы ол әлеуметтік желідегі парақшасында жазды,  деп хабарлайды Muztaumedia.kz.

Саясаттанушының сөзінше, күдікке ілінген азаматтардың екеуі де Ресейдегі беделді жоғары оқу орындарын тәмамдаған. Атап айтқанда, олар МГИМО және МФТИ университеттерінде білім алған. Бұған қоса, мемлекеттік басқару жүйесінде жоғары лауазымдарға дейін көтеріліп, Президент сенім артқан кадрлар қатарында болған.

«Осындай әп-әдемі, жап-жас, білімді жігіттердің күдікке ілінгені өкінішті.

Екеуі де МГИМО, МФТИ сияқты Ресейдің беделді университеттерін тәмамдаған. Мансаптары да сұмдық, ракета сияқты биікке ұшқан. Президент сенім артқан, мемлекеттік басқарудың жоғары деңгейіне көтерілген жастар.

Енді не болды? Не үшін күдікке ілінді? Істің артында қандай мүдделер жатыр? Егер парақорлық туралы күдік расталса, оған кімдер қатысқан? Әзірге сұрақ көп», – деп жазды Жанат Момынқұлов.

Оның пікірінше, бұл жағдайға қатысты әзірге асығыс қорытынды жасауға болмайды. Саяси интригалар туралы дәлелсіз болжам таратып, күдікке ілінген азаматтардың құқығын бұзбау маңызды. Өйткені олардың кінәлі немесе кінәсіз екенін тергеу мен сот анықтауы тиіс.

«Әлбетте, байқап сөйлеген жөн. Саяси интригалар туралы дәлелсіз долбар жасап, екі азаматтың да құқығына қол сұқпауымыз керек. Кінәлі не кінәсіз екенін тергеу мен сот анықтайды.

Бірақ айыптар дәлелденсе, бұл мемлекеттік басқару жүйесі мен квазимемлекеттік ұлттық компаниялар үшін үлкен сигнал болмақ», – дейді саясаттанушы.

Сондай-ақ ол «Самұрық-Қазына» қоры мен «Қазақстан темір жолы» ұлттық компаниясының ел экономикасындағы орнына назар аударды. Оның айтуынша, бұл ұйымдар мемлекет активтері мен қомақты қаржыны басқаратын ірі құрылымдар болғандықтан, олардың жұмысына қатысты ашықтық пен қоғамдық бақылау мәселесі ерекше маңызды.

«Самұрық-Қазына мен Қазақстан темір жолы дегеніміз — мемлекет ішіндегі мемлекет іспетті алып құрылымдар. Олардың қарамағындағы активтер мен қаржы көлемі орасан. Сондықтан мұндай ұйымдардағы басқару сапасы, қаржының жұмсалуы, кадрлық тағайындаулар мен қоғамдық бақылау мәселелері ерекше маңызды.

Нұрлан Жақұповтың Президент қатысқан ресми кездесулер мен шетелдік сапарларда көрінуі оның жоғары деңгейдегі басқару жүйесінде маңызды орын алғанын көрсететіндей еді. Кейін Президент тарапынан сын да айтылды. Бірақ мұның қазіргі жағдайға қатысы бар-жоғын білмейміз. Уақыт көрсетер», – деп жазды ол.

Саясаттанушыны бұл оқиғада мемлекеттік қызметке келген жас технократтардың жауапкершілігі де ойландырады. Оның сөзінше, шетелдің беделді университеттерінде білім алған, бірнеше тіл білетін және халықаралық тәжірибесі бар мамандарға қоғам үлкен үміт артады. Алайда жоғары білім мен кәсіби жетістік адамның адалдығына кепіл бола алмайды.

«Мені бұл жерде бір мәселе көбірек ойландырады. Шетелдің мықты университеттерінде оқыған, бірнеше тіл білетін, халықаралық тәжірибесі бар жас технократтардың мемлекеттік қызметке келуін қоғам жақсы қабылдайды. Оларға үлкен үміт артылады.

Бірақ жақсы диплом, мықты интеллект пен жарқын мансап адамның адалдығына автоматты түрде кепіл бола алмайды. Мемлекеттік қызметте біліммен қатар ар-ұят, жауапкершілік, принципшілдік те керек.

Егер күдік расталса, бұл жеке адамдардың ғана емес, оларды іріктеген, қызметін бақылаған және жоғары лауазымдарға көтерген жүйенің де тиімділігі туралы сұрақ туғызады.

Ал егер кінәсіз болып шықса, олардың абыройы мен құқығы толық қорғалуы тиіс», – деді саясаттанушы.

Жазбасының соңында Жанат Момынқұлов жастарға жемқорлық пен парақорлықтан аулақ болуға кеңес берді. Ол биік мансапқа жетудің өзі үлкен еңбек пен уақытты талап ететінін, ал заңсыз әрекеттер салдарынан оған бір сәтте айырылып қалу оңай екенін атап өтті.

«Қалай болғанда да, жастарға айтарым: жемқорлықтан, парақорлықтан аулақ болған жөн. Биік мансапқа жету қиын, ал одан бір күнде айырылу оп-оңай.

Арам ақша орға жығады. Сіңбейді, түбінде бір жеріңнен шығады», – деп түйіндеді Жанат Момынқұлов.

пікір саясаттанушы
Share. Facebook Twitter LinkedIn Email VKontakte Telegram WhatsApp Threads Copy Link
Previous Article«Қанша долы болсада қатын терезеден доллар лақтырмайды»: журналист 6 млн АҚШ ақшасына қанша кофе алуға болатынын есептеп шығарды
Next Article Ғылымға миллиардтар бөлінеді, нәтиже төмен: ғалым мемлекеттік қолдаудың маңыздылығын айтты

Оқи отырыңыз...

«Тас төбемнен ұра берді»: Атырауда соққыға жығылған 90 жастағы қария сотта балаларының киімін киетінін айтты

17.11.20263

Астанада 11-сынып оқушысы мектепке пышақ алып келіп, екі қызға шабуыл жасаған

17.11.202617

Астанада жұмысшыларға су шашқан Lexus жүргізушісі қамауға алынды

17.11.20263
СОҢҒЫ ЖАҢАЛЫҚТАР

Этникалық қазақтарға қысым: Моңғолия президенті тікелей эфирде отставкаға кететінін мәлімдеді

17.11.202622

«Келін ененің топырағынан»: Толқын Забирова келінін көпшілікке таныстырды (ВИДЕО)

17.11.20264

«Тас төбемнен ұра берді»: Атырауда соққыға жығылған 90 жастағы қария сотта балаларының киімін киетінін айтты

17.11.20263

Астанада 11-сынып оқушысы мектепке пышақ алып келіп, екі қызға шабуыл жасаған

17.11.202617

Иманын лақтыра салды: Алматыдағы Пресняковтың концертінде әйел хиджабын шешіп, әншімен сүйіспек болған (ВИДЕО)

17.11.202677

Астанада жұмысшыларға су шашқан Lexus жүргізушісі қамауға алынды

17.11.20263

«Әкесіне шаң жуытпайды»: Қайрат Нұртастың қызы қылығымен көпті тәнті етті (ВИДЕО)

17.11.20263

«Президент хабардар болды»: Тоқаев «Самұрық-Қазына» мен «ҚТЖ» басшылары жемқорлықпен айналысқанын білген

16.11.202689

Әлеуметтік желіні шулатқан әке мен қыздың видеосы: тексеру нәтижесі шықты

16.11.202661

Президент Әкімшілігіне жаңа басшы тағайындалды

16.11.202642

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

Facebook Instagram YouTube WhatsApp TikTok Telegram

Мекен жайы: Қазақстан Республикасы, Алматы қаласы, Алатау ауданы, Қасым Шәріпов көшесі, 206/6 үй

E-mail: info@muztaumedia.kz

Телефон: +7 705 156 6495

2026 жылы ҚР Мәдениет және ақпарат министрлігінің ақпарат комитетіне № KZ49VPY00153959 нөмірімен тіркеліп, «Muztaumedia.kz» интернет басылым ретінде куәлігі берілді.

©2025 - 2026 / Muztaumedia.kz - ақпараттық агенттігі / Барлық құқықтар тіркелген.
  • Басты бет
  • Редакция
  • Портал тәртібі
  • Ақпараттық хабарлама

Type above and press Enter to search. Press Esc to cancel.