Мемлекеттік білім беру гранты бойынша оқыған азаматтар оқуын аяқтағаннан кейін келісімшарттық міндеттемелерін орындап, заңнамада белгіленген мерзімде жұмыспен өтеуге тиіс.
Жалпы ереже бойынша бакалавриат, магистратура және докторантура түлектері үшін бұл мерзім – кемінде 3 жыл.
«Серпін» жобасы бойынша білім алғандар кадр тапшылығы бар өңірлерде 2 жыл жұмыс істеуі қажет.
Педагогикалық және медициналық мамандықтар бойынша білім алғандар жұмыспен өтеуді тиісті сала ұйымдарында, ал ауыл квотасы бойынша грант алғандар ауылдық жерлердегі білім беру, денсаулық сақтау, ветеринария және аграрлық ұйымдарда жүзеге асырады.
2026 жылғы 25 тамыздан бастап авиациялық мамандықтар бойынша жұмыспен өтеу мерзімі 3 жылдан 5 жылға дейін ұзартылды. Сонымен қатар PhD докторлары үшін жұмыспен өтеуге болатын ұйымдардың тізімі кеңейтілді.
Ал кімдер жұмыспен өтеуден босатылады? Қандай жағдайларда жұмыспен өтеу мерзімі кейінге қалдырылады? Заңнамадағы соңғы өзгерістер кімдерге қатысты?
Осы және басқа да маңызды сұрақтар жайлы ҚР Ғылым және жоғары білім министрлігінің Жоғары және жоғары оқу орнынан кейінгі білім комитеті төрағасының орынбасары Ақерке Абылайхан толығырақ атап өтеді.