Кәсіпкер Тұрсын Алагөзовтің 57 жасқа толған туған күнінен журналист Динара Сәтжан видео жариялады, деп хабарлайды Muztaumedia.kz.
Кадрларда мерекелік кешке жиналған қонақтар мен өнер жұлдыздары көрінеді. Желі қолданушылары жұп болып түскен қонақтарға назар аударып, жалғыз тұрған Аида Кауменоваға қатысты әзіл пікірлерін жазды.
Динара Сәтжан да кәсіпкердің туған күніне арналған жазбасында өз тілегін білдірді.
«Меніңше, бұл – керемет жас. Бұл – өмірде көп нәрсе бар кезең: сүйікті кәсібің, сүйікті жарың, отбасың, балаларың, шынайы достарың, мүмкіндіктерің және ең бастысы – өмір сүруге деген зор құлшынысың бар уақыт. Қызықпен өмір сүру. Ләззат алып өмір сүру. Өмірді барынша толыққанды сүру! Алда бұдан да көп зауыттар, саяхаттар, жаңа идеялар, әдемі жобалар, отбасылық мерекелер және көзден жас аққанша күлетін сәттер көп болсын. Әр туған күн осындай көңілді әрі жылы өтсін!» – деп жазды журналист.
Алайда жазбаның астында оқырмандардың пікірі екіге бөлінді. Кейбірі Аида Кауменоваға да миллионер жігіт керек екенін әзілмен жазса, енді бірі кештің түгелдей орыс тілінде өткеніне назар аударды.
«Енді Аидаға да бір миллионер керек қой, мен де солай ойлаған едім». «Кештің басынан аяғына дейін бәрі орысша, жүргізушілер орысша, тілектер орысша, әңгіме орысша. Сонда қазақ тілі қайда қалды?» «Аузы қисық болса да, байдың ұлы сөйлесін деген. Ақылды адамдар ғой, ана тілін не қылсын?» – деп жазды оқырмандар.