Close Menu
Мuztaumedia.kz — ақпараттық агентігіМuztaumedia.kz — ақпараттық агентігі
  • Жаңалықтар
  • Саясат
  • Экономика
  • Қоғам
  • Аймақ
  • Оқиғалар
  • Білім & ғылым
  • Спорт
  • Шоу бизнес
Facebook Instagram YouTube WhatsApp TikTok Telegram Threads
  • Басты бет
  • Редакция
  • Портал тәртібі
  • Ақпараттық хабарлама
Мuztaumedia.kz — ақпараттық агентігіМuztaumedia.kz — ақпараттық агентігі
Facebook Instagram YouTube WhatsApp TikTok Telegram Threads
Қаз Рус
  • Жаңалықтар
  • Саясат
  • Экономика
  • Қоғам
  • Аймақ
  • Оқиғалар
  • Білім & ғылым
  • Спорт
  • Шоу бизнес
Facebook Instagram YouTube WhatsApp TikTok Telegram Threads
РУСКИЙ
Мuztaumedia.kz — ақпараттық агентігіМuztaumedia.kz — ақпараттық агентігі
Home»Жаңалықтар»Алматы облысындағы топ-10 кәсіпорын бюджетке 400 миллиард теңгеге жуық салық аударды
Жаңалықтар

Алматы облысындағы топ-10 кәсіпорын бюджетке 400 миллиард теңгеге жуық салық аударды

НұрланНұрлан06.11.20266
Фото: gov.kz

Алматы облысындағы 10 ірі кәсіпорын биыл тоғыз айда бюджетке 395,34 млрд теңге салық аударды. Олардың қатарында құрылыс материалдарын, сусындар мен азық-түлік өнімдерін өндіретін компаниялар бар. Бұл кәсіпорындарда жалпы саны 6 871 адам жұмыс істейді. Оның 90 пайызы облыс тұрғындары, деп хабарлайды Muztaumedia.kz.  

Бюджетке ең көп салық аударған кәсіпорын – Philip Morris Kazakhstan. Іле ауданында орналасқан компания биылғы тоғыз айда 163,04 млрд теңге салық төлеген. Ал 2025 жылы бұл көрсеткіш 183,62 млрд теңге болған.

Салық төлемі бойынша екінші орында JTI Kazakhstan тұр. Өтеген батыр кентінде орналасқан зауыт биыл бюджетке 129,95 млрд теңге аударған. Былтырғы салық төлемі 167,55 млрд теңгені құрады.

Үздік үштікті сусындар өндіретін Coca-Cola Almaty Bottlers түйіндейді. Қарасай ауданындағы кәсіпорын биылғы тоғыз айда бюджетке 62,31 млрд теңге салық аударған. 2025 жылы бұл сома 60,05 млрд теңге болған.

Төртінші орында – түрлі сусын мен қаптама шығаратын «Galanz bottlers» акционерлік қоғамы. Іле ауданының Байсерке ауылында орналасқан кәсіпорын биылғы тоғыз айда бюджетке 20,12 млрд теңге салық төлеген. 2025 жылғы төлемі 10,5 млрд теңгені құрады. Компания 1998 жылдан бері алкогольсіз сусындар мен бөтелкедегі су өндіреді.

Салық төлемі бойынша бесінші орында – RG Brands Kazakhstan. Кәсіпорын қаңтар-қыркүйек аралығында бюджетке 7,48 млрд теңге салық аударған. Былтырғы көрсеткіш –  17,37 млрд теңге. Компания шырын, шай және басқа да азық-түлік өнімдерін өндіреді.

Алтыншы орында – Knauf Gypsum Kapchagai кәсіпорны түйіндейді. Алатау қаласында орналасқан зауыт гипсокартон, құрғақ құрылыс қоспалары мен әрлеу материалдарын өндіреді. Биылғы тоғыз айда кәсіпорын бюджетке 3,14 млрд теңге салық аударған. 2025 жылғы төлемі 3,87 млрд теңге болған.

Жетінші орында – «Маревен Фуд Тянь-Шань» компаниясы. Алатау қаласында орналасқан кәсіпорын тез дайындалатын кеспе, вермишель, макарон өнімдері, сорпа қоспалары мен тіскебасарлар өндіреді. Биылғы тоғыз айда компания бюджетке 3,1 млрд теңге салық төлеген. Былтырғы төлемі 3,5 млрд теңгені құрады.

Сегізінші орында – «FoodMaster» компаниясы. Еңбекшіқазақ ауданының Есік қаласында орналасқан зауыт сүт өңдеп, сүт және қышқыл сүт өнімдерін, йогурт шығарады. Биылғы тоғыз айда кәсіпорын бюджетке 2,4 млрд теңге салық аударған. Былтырғы көрсеткіш – 2,6 млрд теңге.

Тоғызыншы орында – «Шин-Лайн» компаниясы. Іле ауданындағы кәсіпорын жылына 13 мың тоннадан астам балмұздақтың 140 түрін шығарады. Биылғы тоғыз айда бюджетке 1,9 млрд теңге салық төлеген. Өткен жылғы төлемі 2 млрд теңге болған.

Үздік ондықты «БЕНТ» фирмасы түйіндейді. Іле ауданында орналасқан кәсіпорын теміржол инфрақұрылымына қажетті темірбетон шпалдары мен рельс бекітпелерін өндіреді. Зауыт тоғыз айда бюджетке 1,9 млрд теңге салық аударған. 2025 жылғы төлемі 2 млрд теңгені құрады.

«Ірі кәсіпорындар өңір бюджетіне қомақты салық түсіріп, жергілікті тұрғындарды жұмыспен қамтып отыр. Сондықтан кәсіпорындардың өндірісті дамытуы және өнімдерін шетелге сатуы облыс экономикасы үшін маңызды. Мәселен, былтыр осы ТОП-10 кәсіпорын жалпы құны 1 148,504 млрд теңгенің өнімін өндіріп, бюджетке 453,06 млрд теңге салық төледі. Олардың өнімдері Қазақстан нарығымен қатар шетелге де жеткізіледі. Атап айтқанда, Ресей, Тәжікстан, Беларусь, Моңғолия, Қырғызстан, Өзбекстан және басқа да елдерге экспортталады», – деді Алматы облысының Кәсіпкерлік және индустриялық-инновациялық даму басқармасының басшысы Айбол Рақымбаев.

Айта кетсек, Алматы облысы биыл мемлекеттік бюджетке салықтар мен басқа да міндетті төлемдерден 1,5 трлн теңге түсіруді жоспарлап отыр. Бұл – өңір тарихындағы ең жоғары көрсеткіш. Былтыр облыс алғаш рет 1,1 трлн теңгеден астам түсім қамтамасыз еткен. Оның ішінде республикалық бюджетке – 490,5 млрд, жергілікті бюджетке 628,6 млрд теңге түсті. 

Алматы
Share. Facebook Twitter LinkedIn Email VKontakte Telegram WhatsApp Threads Copy Link
Previous ArticleАстанада Ақаба процесінің саммиті өтіп жатыр
Next Article Қайғылы жағдай: Ақтөбеде әйел бұрынғы күйеуінің қолынан қаза тапты

Оқи отырыңыз...

ҚазҰУ жатақханасындағы адам өлімі: проректор мен декан жұмыстан босатылды

17.11.202613

Қайғылы жағдай: Алматыда өрт сөндіру көлігі жеңіл көлікпен соқтығысып, жүргізуші қаза тапты (видео)

17.11.20261

«Тас төбемнен ұра берді»: Атырауда соққыға жығылған 90 жастағы қария сотта балаларының киімін киетінін айтты

17.11.20269
СОҢҒЫ ЖАҢАЛЫҚТАР

ҚазҰУ жатақханасындағы адам өлімі: проректор мен декан жұмыстан босатылды

17.11.202613

Қайғылы жағдай: Алматыда өрт сөндіру көлігі жеңіл көлікпен соқтығысып, жүргізуші қаза тапты (видео)

17.11.20261

Этникалық қазақтарға қысым: Моңғолия президенті тікелей эфирде отставкаға кететінін мәлімдеді

17.11.2026139

«Келін ененің топырағынан»: Толқын Забирова келінін көпшілікке таныстырды (ВИДЕО)

17.11.202639

«Тас төбемнен ұра берді»: Атырауда соққыға жығылған 90 жастағы қария сотта балаларының киімін киетінін айтты

17.11.20269

Астанада 11-сынып оқушысы мектепке пышақ алып келіп, екі қызға шабуыл жасаған

17.11.202618

Иманын лақтыра салды: Алматыдағы Пресняковтың концертінде әйел хиджабын шешіп, әншімен сүйіспек болған (ВИДЕО)

17.11.202699

Астанада жұмысшыларға су шашқан Lexus жүргізушісі қамауға алынды

17.11.20263

«Әкесіне шаң жуытпайды»: Қайрат Нұртастың қызы қылығымен көпті тәнті етті (ВИДЕО)

17.11.20264

«Президент хабардар болды»: Тоқаев «Самұрық-Қазына» мен «ҚТЖ» басшылары жемқорлықпен айналысқанын білген

16.11.202696

Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

Facebook Instagram YouTube WhatsApp TikTok Telegram

Мекен жайы: Қазақстан Республикасы, Алматы қаласы, Алатау ауданы, Қасым Шәріпов көшесі, 206/6 үй

E-mail: info@muztaumedia.kz

Телефон: +7 705 156 6495

2026 жылы ҚР Мәдениет және ақпарат министрлігінің ақпарат комитетіне № KZ49VPY00153959 нөмірімен тіркеліп, «Muztaumedia.kz» интернет басылым ретінде куәлігі берілді.

©2025 - 2026 / Muztaumedia.kz - ақпараттық агенттігі / Барлық құқықтар тіркелген.
  • Басты бет
  • Редакция
  • Портал тәртібі
  • Ақпараттық хабарлама

Type above and press Enter to search. Press Esc to cancel.