Әнші Арман Қоңырдың әлеуметтік желідегі соңғы жарияланымдары желі қолданушыларының назарын аударды, деп хабарлайды Muztaumedia.kz.
Желі қолданушылары әнші мен модель Айдана Рахымбаеваның бір жерде жүргенін аңғарған. Оқырмандардың айтуынша, екеуі әлеуметтік желіде бір локациядан сурет жариялаған.
Бұл жайт көпшіліктің қызу талқысына түсіп, кейбір желі қолданушылары Арман мен Айдананың арасында сезім болуы мүмкін деген болжам жасады. Ал енді бірі мұны жай ғана сәйкестік деп есептейді.
«Арман шетелде басқа қызбен жүр ғой. Аша екеуі ажырасып кеткен еді ме?», «Баян ханым Аша ауыр кезеңді бастан кешіріп жүр деп айтқан еді, мүмкін осы шығар» деген пікірлер жазылды.
Айта кетейік, Аша Матай мен Арман Қоңырдың қарым-қатынасына қатысты қауесет 2021 жылдан бері айтылып келеді. Жанкүйерлер сол кезден бері жұптың бірге түскен суреттерін сирек жариялай бастағанын, көбіне балаларының фотоларымен ғана бөлісетінін байқаған.
Жұлдызды жұп өз қарым-қатынасына қатысты ресми түрде түсініктеме берген жоқ.