Продюсер Гүлзира Айдарбекова әлеуметтік желіде күтпеген пікір білдірді, деп хабарлайды Muztaumedia.kz.
Ол блогер Мөлдір Анарбаеваның бір-біріне жылы сөздер айтып, кейін ажырасып кететін жұптарды сынаған видеосына пікір қалдырған.
Гүлзира Айдарбекова қазіргі қоғамдағы қарым-қатынас үлгісін сынап, бұрын ерлі-зайыптылардың сезімін көпшілік алдында ашық көрсетуден ұялғанын жазды.
«Туу, осыны айтатын адам табылды ау. Баяғыда енді үйлегенде, мен енемнің үйінде болып, күйеуім біраз уақыттан соң келсе, бет сүйісіп амандасуға ұялатынбыз, қалайсың дейді, мен жақсымын деймін болды. Ол кезде ата-ене, бауырлары алдында өзімізді мықты ұстаушы едік, даже баламызға емірене алмайтынбыз. Қазір бәрі жан-жан дейді. Әр адамның жаны өзінде, балаңды айтсаң болады ей жаным сол деп. Ақ патшам дейтіндер ше, артынан сүйреңдеп , шапылдап, қырылып ұрсып жатады. Онан қалса бүкіл әлеументтік желіде жамандап, масқарасын шығарып өсектеп, тіпті соттатып жатады. Сосын модаға айналды ғой, бірінің жасағанын бірі қайталап, маған енем күн көрсетпеді, күйеуім ұрып-соқты деп жылап тұрған өзін түсіріп тұрып, видеосын салып, елді бір шулатып, аянышты болып подписчик жинайды да, сонан соң, өзім жұмыс жасап сұмдық байып кеттім, енді мен сіздерге қалвй өмір сүру керек, қалай мен сияқты баю керек, келіңіздер, сабақ үйретем, пәлен тұрады бағасы деп, аңқау елге, арамза молда бола салады. Сенейін десең, екінің бірі психолог, блогер, байып кеттім , сен неге отырсың мен сияқты байымай деп дүбір қағады. Таң қалатыным, соларға сеніп, ақшаларын аямай төлеп, дәріс алып әлек болады», — деп жазды ол.