Бұрынғы депутат Бақытжан Базарбек көлікпен қағып кеткен Нұржігіт ауруханадан шығарылды. Бұл туралы экс-депутат әлеуметтік желідегі парақшасында жариялады, деп хабарлайды Muztaumedia.kz.
Оның айтуынша, Нұржігіт Тараз қалалық көпбейінді ауруханада 31 күн ем қабылдаған. Соңғы үш күнде ол үйіне шығуға асыққан.
«Нұржігітті Тараз қалалық көпбейінді ауруханадан шығардық. Нұржігіт соңғы үш күн бойы емханадан шығуға асығып отырған. Міне, 31-күні аман-сау шығып отыр», – деп жазды Бақытжан Базарбек.
Еске салайық, жол апаты 15 тамыз күні кешке Жамбыл облысының Рысқұлов ауданында болған. Рөлде Бақытжан Базарбек отырған. Апат салдарынан 37 жастағы ер адам зардап шеккен.